Theory and Criticism Paper:1001C Literary
Unit: 3 Preface to the Lyrical Ballads by William Wordsworth
Four stage of poetic process
Wordsworth bai kok khalwi sajak koklopni definition wngkha-"the spontaneous overflow of powerful feelings: it takes its origin from emotion recollected in tranquility", and calls his own poems in the book "experimental".(a fourth and final edition of Lyrical Ballads was published in 1805)
Chini muchungmarog achaio chini khakamarogni bisingtwi. Khakamarog achaio kwchang kwchang wansukmung kuthuk wansukphuru. Wansuk kuthuk wansukte wansukte twrwk rwrwk khakhammani phaio. Khakhamma(emotion) twrwk twrwk nongkhorwi phaio.Khakhammung chini wansukmungose tongo. Puila tongkwchang (trunquitily) khao wajago ulo khkhammung(emotion) phaikhe twrwk twrwk kwmaui thango. Wordsworth koklop achaimani kaibwrwi (stage) twiwi sakha. Aborog wngkha-
1.Observation
2.Recollection
3.Filtering
4.Composition.
Koklop swina thangkhe hamangnino nongkhorwi phaina nango. Kebo kebono swidi hinwi dagwi swiwi manya. Tei kebono dakti swidibo hinwi wngya. Mungsaswk kok bothoma riwi swidibo hinwi manya. Tamoni hinkhe koklopnaini khakamungni bisingtwise swimung achaina nango. Haikhese swimungo eba kokrwbaio nangkukma rasa (tongthokrimung)rog tongnai. Kokthai kokmangni bisingtwi khwnathoknai tei naithok wngnai.
Kaham koklop swina thangkhe swinai khakammung(emotion)o kwlwgwi ma tongrao. Abo phatarni mungsaswkno nugwi sak sakni bwkhaono emotion achaina nanganw. Tei arono kwbangma jora kolok romwi bwkha risugwi kwmawi ma tongnai. Haikhese kokbothomano twiwi bwkhao kokthai kokmang koktangrog wajaknai. A kokthai kokmang koktangno rutugwi tikhwlai mankheno koklop eba kokrwbai achaio. Abaino kaham koklopnairog koklopni bisingo kwmawi ma tongo.
"Poetry has its origin in emotion recollected in tranquility" koklop sak sakno achaiwi phaio. Kokloprog achaio khakhammani bisingtwi. Tongkwchang saichung tongphuru wansukmungo kwlwgwi kokthairog wajagwi koklop achaio. Wordsworth sakha- aboni bagwino kebono swirithani force khaiwi manya. Tei koklop swina bagwi kwbangma jora nango. Wansukmarognono ulo tangsa tangsakhe koklop swijago. Kok wngkha koklopnaini feeling(anubhav) paithago mano.
Poetry-process-ni kaibwrwi stagerog wngkha-
1.Observation:
Observationno koklop swithani puila bwkhak.O bwkhago koklop swinani swkang kokbothomano twiwi kahamkhe naikolwi naina nango.Tamoni hinba koklobo hamangni naharmung, tongwrwng, tonghalok akorog tongna nango, aborogno wansukma yagulo koklopnai bwkhao jaikhe khachobwi(store) tonio. Sana thangkhai bwkhakno koklopni achaikhok hinwi mano.tamoni hinkhe koklop swina thangthani obono puila khwlaithai. Obono karwi kolop achaiwi manya.
2.Recollection:
Recollection wngkha ulnwi bwkhak. Oro puila bwkhago wansukjak kokbothomano twiwi muitu khwlaijakphiro. Kwbangma kok chabwi tongijakrogno teiwaisa thumphiro. Recollection khaina thangthani koklopnai kwbangma jora romwi a kokbothomano twiwi kwlwgwi tongna nango. Haikheno wansukjakrogno thumui thansakhe chabwi mano. Obo haiikhe thumwi tubujak hinkhe ulo kokbokhiri saithani kwlai wngo. Aboni bagwino koklop swithani ulnwi bwkhak(recollection)belai nangmani.
3.Filtering:
Ultham bwkhago emotion & feelingno filtering khaio, "re-evaluats its emotion & remove the non-esencial and valger element". Recollection khaijakni bisingo kokthai gothokma gothokya, kokmang gothokma gothokya tei kokbwtang gothokma gothokyarogno jaikhe gothokmarogno saijago. Tamoni hinmale saiwi nahaya hinkhe kokthai kokmangrog swrai swrai wnglak. Kokbwtangrog sutru chajak hinkhe porinairogbo koklopnaini naharmung khakamung tei wansukmungrogno bujiwi manglak. Aboni bagwino filtering belaikhe nango.
4.Composition:
Koklop swimung raidani paithak bwkhak wngkha composition. O bwkhakno koklop swimug raidani jotoni nangkuk hinwi sakha. Oro jotono chabwi swijago. Koklopnaini ideas, experience akorog samungo thepajago. Composition khaima yagulo kolopnaini naharmung, bini koktunrog swrai swrai wngo. "the poets becomes the communicator".tei koklopnaini khakhamma, feeling akorog express khaijago. Composition khaima yagulono kaisa koklopni goina ganthi, kokthai, kokmang tei rasa akorogno feeling khwlai mano paorinairog.
Paithago sawi mano, Wordsworth bai khalwi sajak koklopni definition belai nangmani. Tamoni hinkhe observation, recollection, filtering tei composition kwrwikhe kaisa koklop khwnathok wngwi manya. Puila kokbothomano twiwi swrai swrai ma wnangnai. Ulnwio wansukjak kokbothomano tei philsa jaikhe ma chapnai. Ulthamo jaikhe chabjak kokthomani kokthai kokmangrogno ma sainai.tei paithak bwkhago kokbwtangrogno chabwi goina ganthi riwi rasa ma thuthai. Abaino bagwino Kaisa koklop swina thangkhe koklopnai o kaibwrwi radiani bisingtwi kaham koklop swiwi mano.
Check & analysis khaiwi naidi. Tei mungsa jwngjal tongkhe kwrwngdi.
Follow khaidi⬇️
Comments
Post a Comment