Sunil Debbarma
Kokborok kokrwbaini rukungo khursajagwi tongnaini bisingo Sunil Debbarma bo khoroksa. Bo Bishalgarh amchaini Herma kamio 1956 bisini 25 January talo achaio. Bupha Jatindra Debbarma tei buna Jasudha Debbarma, kwnwino yang masing kwrwi kha, lakma thakjak. Bo rwngnogo poriwi tongphuruni simino mani kok kokborokbai swinani samungo yapiri seo. Swinai kwrwng Sunil Debbarma 1974 bisio Charilamo poriwi tongphuru "Nobarun" mungwi karijak wall Magazine-o bini puila swijak koklop nongkhoro. Koklopni mung wngkha "Bwkhani kok". Aboni ulni simino bini swijak kokloprog eba swimungrog Akash Bani Agartala Kendra-ni kokborok pandao bini swimungrogno jora jorao awai khwlaijago. KOKTHUM HUKUMU TEI BERAIKHIRI TANGDEKNI karijak "Tripura Koktun" "Raima" tei ADC ni karijak amotwi amtwi kokrwbai bwlaino karwibo Jora, Pohor, Dangdu, Saima, Khumpui lama, Goria akorog ahai dal bidal Magazine rogo bini swimung chwng nugui mankha tei mano. Swikwrwng boroggwnang Sunil Debbarma ni kokbwkhal, kothoma, Kothomayungrogbo nongkhorkha.. Bini komthingjak bijaprogbo kokborok kokrwbaini haparo kwbangmakheno nukjago, aborogni bisingo tong- Jora, Khumulwng, Anji, akorog. Bo khoroksa Kokborok sahitya Sangsodni adong tei tang okwra. Abono karwibo swikwrwng Sunil Debbarma. Abono karwibo Tripura haphangni rwng bedekbai khajak KOKBOROK ADVISORY BOARD -ni adong khoroksa.
Sunil Debbarma ni Swimung :
* Published books :
1) Bolongni khum _ short stories 11 Jan 1996 (9 nos)
2) Busu _ Short stories 23 jan 2000 (10 nos)
3) Langmani rukungo _ novel_ 2003
4) Jorani bwthai _ Short stories 2012 (14 nos)
5) Risa_
6) Kok phumlukmung
7) Tribasha sobdomala
8) Mege Daka surjo
* Edited books :
1) Jora _ 1983
2) Khumwlwng _ 1996
Bini swijak Risa bijapni bagwi bono ingreji 2001 bisio Salil krishna mukumu sokat bono yapharjakha.
Busy kothomabwsa
ReplyDelete