Skip to main content

Sudhanwa Debbarmani sinimung tei swimung

 Sudhanwa Debbarma    

      
     Swikwrwng  borom gwnag wansuk kwrwng Sudhanwa Debbarma wngkha khoroksa kokborok kokrwbaini rukungo khursajagwi tongnai tei Muitu khaijagwi tongnai borok. Bono wngkha Kokborok kokrwbaini rukungno  bwskango agogwi tubuthani puila lamsonai, aboni bagwino bono Kokborok kokrwbaini rwbaiphang hinjago. Tamoni hinmale rwbaiphang Sudhanwa Debbarma-no wngkha kokborok kokbai puila Kothomayung swinai tei kokborokbai puila kokborok kokrwbai bwlai komthingwi karinai. Bini jarwtwino tabuk jora kokborok kokrwbai kuchuk kotor wngwi tongwi mano nokhani kwchwng athukiri bokol haikhe. Bini o kokrwbai bwlaini mung wngkha ''Kwtal Kothoma''. Bo bini o kokborok kokrwbai bwlaino 1954 bisio  sapogwi kario. 
          Rwbaiphang Sudhanwa Debbarma  ingreji bisi 1918 bisini 26 February(7Phalgun) Talhing talo Bishalgarh amchaini Sutramura kamio achaio. Bini Buphani mung wngkha Budhikumar Debbarma tei Bumani mung wngkha Indrabati Devi. Sana thangkhe bono  kokborok kokrwbai hamjaknaibo hwnwi mano. Puilao bo kamini rwngnogo swrwngmung paiwi Aguli Umakanta Academy rwngnogo porina phaio. Aboni ulo a rwngnokni remchi swrwngmung porimani yagulo Tripura haste ganani shreekail (college) rwngnok kotoro B.A ni amjokmung rikha. Sana thangkhe Sudhanwa Debbarmano puila songduk dophani B.A amjokmungo achuknai. Aboni yagulo bo Umakanta Academy phwrwngnogono phwrwngnai wngkha.
          Swikwrwng boromgwnang  Sudhanwa Debbarmani sinimung kokborok kokrwbaio simi sinijagwi tongliya hoda dophano kuchugo tisa thanibo bini sinimungni mari bojak. Bo 1945 bisini 27 december talo songchajak  Jonosikha Somitini achukthaio bo achukphang (sobapoti) wngkha.  Aphuru Bini logisong  wngkha Dasarath Debbarma, Hemanta Debbarma, Aghore Debbarma tei Nilmani Debbarma akosong. Haikheno borog joto pal baksa kha baksakhe a jorao tongwi tongnai Bubagwra Bir Bikramni thani borok dophano tisana bagwi kami amchaio rwngnok eba school  swnamna kok tisakha. Abotwikheno twrwk twrwk khe  wngya hinphano 400-450 ta (rabrwi brwichi char) rwngnok eba schoolrog swnamlaikha borok. Abo chwng laibumao swijak mano. 
          Mungwnag mwchang sudhanwa Debbarma 1999 bisio thwijalaha haiphano bini swimung bini wansukmung kokborok kokrwbaio kwthar kubui wngwi tongkhu tei tongnai, tongwino thangnai. Omorani wngwi bini mung tei swimungrog haikheno borokrogni khuk bai khugo sajagwi tongnai. Haini bagwino tabukbo bini mung kokborok kokrwbaio kwthang wngwi tongkhu. 
Sudhanwa Debbarmani swimung : 
1) Hachuk Khurio - 26 February 1987 (KOTHOMAYUNG)
2)     Chethuang - 1956 ( KOTHOMAYUNG)
3)     Himdi do - 1983 (KOKLOP)
4)     Kha kwrak -  1983 ( KOKIOP)
5)  Egiye Cholo - 1948 (THUNGNUK) 6)      Porikhit Bidruho - (THUNGNUK).


Etc. Check & analysis









Comments

Post a Comment

Popular posts from this blog

KOKBOROK KOKNI LAIBUMA

HISTORY OF KOKBOROK LANGUAGE Introduction :-         Bharat ha kotorni uttar-pub amchaini kaisa chikonkuk haste wngkha Tripura. O Tripura hasteono Kokborok kokni tongthai. Sino-Tibetan kokbosongni Tibeto-Burmese kokdekni kokbupwra wngkha Assam-Burmese, tei o Assam Burmese-ni achaikha Bodo-Garo, Dimasa, koch, Mech, Chutiya, Rabha, Hajong,Moran tei Kokborok kok akorog. O kokrog jotono kaisa tai kaisabai halok kwrwnglaijak kok. Sana thangkhe o kokrog jotono buma kaisani bwsa tei Sister language bo hwnwi sinijagwi tongo. Tabuk o kokborok kokni laibumano rwgwi naina thangkhe kokborok kok buphuruni simi sajagwi phaikha kebo soi soikhe sawi rwiwi manya, phiyaba 10000 bisi swkang sajagwi phaikha hwnwi chongjagwi tongu eba chongwi nalaikha. Jisu khristo achaimani swkang jorao Tibeto-Burman kokbosongni Bodo, Dimasa, Kokborok, Garo, Rabha, tei Mech kok saitongnai borokrog Assam hasteo thansakhe kwdwkma bisi romwi tonglaikha. Aboni ulo borog Assam hasteni kurung kurun...
13 comments
Read more

Shyamlal Debbarmani sinimung tei swimung

Swikwrwng Shyamlal Debbarmabo wngkha kokborok kokrwbaino hamjaknai tei sak tharwi samung tangnaini bisingo khoroksa. Bo 1951 bisini  November talni 2 salmario Bishalgarh amchaini Rongmala kamio achaio. Buphani mung wngkha Ramanimohan Debbarma tei bumani mung wngkha Brotokona. Borom gwnang Shyamalal Debbarma Cheraini simino Kokborok korwbaio tongnani tei swinani muchungjago. bo puilao swimungni haparo yapiri semani kokborok swimung baiya, bo puilao Bangla kokbaise swimungni haparo yapiri barogo. Aboni ulose baithangni mani kokno hamjakna rwngwi kokborokni bagwi saktharwi swimunggo yak rio. Shyamlal Debbarmani buchu Kornel Debbarmabo nogo  শীমদভাগবত tei গীতা -rog tonio nogo harisoba khwlaiphuru porirwna bagwi tei khwbo khwlairio. Haiphano kha kochomjakya wngwi waisa uisu samung kwrwi sanjarogo busukni khuktwi(Shyamlal)- porima khwnao aroni kothomarog, bwchwi Sudhra bo logi rio waisa uisu. A mahakavyoni ros kwtwi kothomarogno Shyamlalno muwani phwnagwi swimungni haparo ...
16 comments
Read more

Dongoino Ringdi

Koklop wngkha kaisa kuthuk wansukmung, kisa kokni bisingtwi kwbangma kok sanani naio. Khoroksa swinai kuthuk wansukmung tei kuthuk kothaini bisingtwi koklop swio eba phunukna naio. Koklop bisingo kaisa kokmang huijak tongo, kaisa kok kwcharmung tongo. Abohainono koklop hino. Dongoino Ringdi koklop bo obohaino oro Khumpui kerang kothomano rwgwi sajago, phiya tamo sana nai abono chwng tabuk nailaiyanw. Khumpui kerang kothomano muitu khwlaiwi. Dongoino Ringdi Bongshi Thakur Dongoiwi dongoi hwnwi ringdi, Bibi kankha bwkhwrwi, Hanok kankha babwrai, Totwra jora twi lomkha Taile lerliya. Dongoile kisa nasingwradi.  Koklop Swikwrwng Bongshi Thakur bai swijak "Dongoino Ringdi" koklop  1983 bisio puila 'Kokborok koklop bwchap' bijabo sapogwi karijago. O koklop "Khumpui Baruru" kerang kothomano rwgwi swijak. Swinai bini o koklopni bisingtwi Dongoima Dongoipha jorani simi khuk bai khugo sajagwi phaimani Khumpui kerang kothomano rwgwi b...
5 comments
Read more